Spirit of Humanity Forum og Lótushús bjóða upp á

kyrrðarstund á laugardögum

– hugleiðsla og innblástur fyrir helgina –

Þér er boðið í endurnærandi kyrrðarstundir, alla laugardagsmorgna kl. 10:00-10:15.

Viðburðurinn á Facebook:
https://www.facebook.com/events/972491973161338/

Leidd hugleiðsla – 5mín.

Leiðbeinandi frá hugleiðsluskólanum Lótushúsi leiðir þátttakendur í stutta hugleiðslu. Í hugleiðslunni tengjum við inn á við og hlúum að innri friði og styrk.

Samvera í kyrrð – 5 mín.

Hugleiðslan leiðir þátttakendur inn í djúpa innri kyrrð og við njótum samverunnar í þögn í örfáar mínútur. Þetta er einstakt tækifæri til að skapa rými fyrir innra frelsi.

Hugleiðing frá hjartanu – 5 mín.

Í lokin fáum við góðan gest til að deila með nokkrum orðum frá hjartanu einhverju sem honum/henni finnst skipta máli í lífinu. Þessi orð geta orðið jákvæð hvatning og innblástur inn í helgina.

Laugardaginn 21. nóv. 2020 verður sérstakur gestur okkar Kristín Sigurðardóttir.

Kristín er slysa-og bráðalæknir en hefur alla tíð sinnt heilsueflingu og forvörnum alveg frá því í læknanáminu. Hún er flökkusál og sem læknir hefur hún starfað víða, bæði á Íslandi og erlendis. Kristín er aðjúnkt við Læknadeild HÍ ásamt því að vinna að heilsurannsókn ÍE. Hún nýtur þess að vera úti í náttúrunni, fór í leiðsögunám og hefur verið fararstjóri hjá Mundo, í heilsu-og menningartengdum ferðum.

Hún heldur reglulega fyrirlestra og námskeið, meðal annars um streitu og seiglu og eru streituráðin hennar, sem hún kallar H-in til heilla, henni sérstaklega hugleikin. Hún rekur fyrirtækið Á heildina litið og er í samstarfi við Gyðu Dröfn Tryggvadóttur, Heill Heimur, og saman standa þær reglulega fyrir málþingum og námskeiðum þar sem fókuserað er á heildræna nálgun á líðan og heilsu.

Umsjón með kyrrðarstundinni 21. nóvember:

Jóhanna Vilhjálmsdóttir, framkvæmdastýra Spirit of Humanity Forum og Stefanía Ólafsdóttir, hugleiðslukennari frá Lótushúsi

Er kyrrðarstundin eitthvað fyrir þig?

Það eru Spirit of Humanity Forum og hugleiðsluskólinn Lótushús sem standa fyrir stundunum og það kostar ekkert að taka þátt þannig að við hvetjum þig eindregið til að prófa. Þú þarft ekki að hafa neina reynslu af hugleiðslu, stundirnar eru ætlaðar byrjendum jafnt sem lengra komnum.

Kyrrðarstundin er einstök byrjun á helginni og hvetur okkur til að tengja inn á við og beina sjónum að því jákvæða og fallega í lífinu. Þær eru endurnærandi hvíld fyrir hugann og geta hjálpað okkur að finna innra jafnvægi.  Ef þú hefur einhverjar spurningar er þér velkomið að hafa samband með því að senda fyrirspurn á lotushus@lotushus.is

Við hlökkum til að eiga góðar og endurnærandi stundir með þér á laugardagsmorgnum.

Upplýsingar til að tengjast

Við notum fjarskiptaforritið Zoom. Ef þú hefur ekki notað Zoom áður er best fyrir þig að byrja á því að niðurhala forritinu. Það er ókeypis og þú getur nálgast það hér: https://zoom.us/support/download

Fyrir tölvur og spjaldtölvur, smellirðu síðan hér til að tengjast: https://zoom.us/j/3278159298 og setur inn lykilorðið (passcode) lotushus20

Ef þú notar síma opnarðu Zoom appið, velur join og setur inn Meeting ID 327 815 9298 og lykilorðið (passcode) lotushus20

Athugaðu að til að heyra hljóðið í útsendingunni þarftu að smella á valmöguleikann Call over internet sem birtist neðst.

Allir þátttakendur eru með slökkt á sínum hljóðnemum en þú ræður hvort þú hefur kveikt á myndavélinni.

Smelltu hér fyrir nánari leiðbeiningar varðandi notkun á Zoom: http://lotushus.is/zoom-leidbeiningar/