kyrrðarstund á laugardögum

Þér er boðið í endurnærandi kyrrðarstundir, alla laugardagsmorgna kl. 9:30-9:45.

Athugið að kyrrðarstundirnar verða í hléi yfir sumartímann en hefjast aftur í september 2022.

Leidd hugleiðsla – 5mín.

Leiðbeinandi frá hugleiðsluskólanum Lótushúsi leiðir þátttakendur í stutta hugleiðslu. Í hugleiðslunni tengjum við inn á við og hlúum að innri friði og styrk.

Samvera í kyrrð – 5 mín.

Hugleiðslan leiðir þátttakendur inn í djúpa innri kyrrð og við njótum samverunnar í þögn í örfáar mínútur. Þetta er einstakt tækifæri til að skapa rými fyrir innra frelsi.

Hugleiðing frá hjartanu – 5 mín.

Í lokin fáum við góðan gest til að deila með nokkrum orðum frá hjartanu einhverju sem honum/henni finnst skipta máli í lífinu. Þessi orð geta orðið jákvæð hvatning og innblástur inn í helgina.

Er kyrrðarstundin eitthvað fyrir þig?

Það eru Spirit of Humanity Forum og hugleiðsluskólinn Lótushús sem standa fyrir stundunum og það kostar ekkert að taka þátt þannig að við hvetjum þig eindregið til að prófa. Þú þarft ekki að hafa neina reynslu af hugleiðslu, stundirnar eru ætlaðar byrjendum jafnt sem lengra komnum.

Kyrrðarstundin er einstök byrjun á helginni og hvetur okkur til að tengja inn á við og beina sjónum að því jákvæða og fallega í lífinu. Þær eru endurnærandi hvíld fyrir hugann og geta hjálpað okkur að finna innra jafnvægi.