Námskeið/skráning

Við leggjum okkur fram við að bjóða upp á fjölbreytta dagskrá og auk Raja Yoga hugleiðslunámskeiðisins eru í boði ýmis námskeið og fyrirlestrar sem fjalla um hugrækt og sjálfsstyrkingu. Ekkert gjald er tekið fyrir námskeiðin og er kostnaði mætt með frjálsum framlögum þátttakenda.

Zoom leiðbeiningar

Hér eru leiðbeiningar til að tengjast við beinar útsendingar frá Lótushúsi: http://lotushus.is/zoom-leidbeiningar/

Frjáls framlög

Starfsemi Lótushúss er rekin fyrir frjáls framlög og geta þátttakendur stutt starfið með því að setja sitt framlag í box í forstofunni eða leggja inn á eftirfarandi bankareikning:
Brahma Kumaris andleg fræðslumiðstöð
Kt: 460804-2720
Rnr: 0130-26-8882

Reglubundnir opnir hugleiðslutímar

Mánudagar kl. 19:30-20:15
Fimmtudagar kl. 12:10-12:40
Staðsetning: Lótushús Garðatorgi, miðbæ Garðabæjar

Við bjóðum upp á opna tíma með leiddum Raja Yoga hugleiðslum tvisvar í viku og ekki þarf að skrá sig fyrirfram. Í tímunum gefst tækifæri til að hugleiða með öðrum í friðsælu og styðjandi andrúmslofti Lótushúss og eru öll hjartanlega velkomin, byrjendur jafnt sem lengra komnir.

Kyrrðarstundir í beinni útsendingu á Zoom

Laugardagar kl. 10:00-10:15
Leiðbeiningar til að tengjast hér: http://lotushus.is/zoom-leidbeiningar/

Lótushús og Spirit of Humanity Forum standa fyrir endurnærandi stundum í beinni útsendingu á laugardagsmorgnum kl. 10:00-10:15. Þar hugleiðum við saman, njótum gefandi samveru í kyrrð og fáum stundum góða gesti til að deila frá hjartanu. Kyrrðartundirnar geta veitt kærkomið tækifæri til að stíga eitt augnablik úr erli og hraða hversdagsins og gefa kyrrðinni aukið rými í hug og hjarta. Öll eru hjartanlega velkomin.



Raja Yoga-hugleiðsla Grunnnámskeið

Hugleiðsla hefur í gegnum aldirnar verið ein einfaldasta og áhrifaríkasta leiðin til að öðlast jákvæðara og kyrrara hugarástand. Raja Yoga hugleiðsla byggir á upplifun einstaklingsins á sínu innra sjálfi og hjálpar okkur m.a. að byggja upp sanna sjálfsvirðingu og virkja þá góðu eiginleika sem innra með okkur búa.

Námskeiðið er ætlað byrjendum jafnt sem lengra komnum og kenndar eru einfaldar hugleiðsluæfingar sem gagnast við að takast á við áskoranir daglegs lífs.

Það sem þátttakendur geta fengið út úr námskeiðinu:
🌟 Djúpstæð upplifun af innri friði.
🌟 Betri skilningur á eigin sjálfi.
🌟 Einfaldar hugleiðsluæfingar sem hjálpa við að gera hugleiðslu að reglubundinni iðkun (jafnvel fyrir þau sem hafa ekki mikinn tíma).
🌟 Einföld verkfæri til að takast á við hinar ýmsu áskoranir daglegs lífs.
🌟 Aðferðir sem geta hjálpað við að takast á við streitu og andlega þreytu og skapað innra jafnvægi og ró.
 

  Námskeiðið er í fjögur skipti á þriðjudögum klukkan 18:00-19:00;  3.3., 10.3. 17.3. og 24.3.

Staðsetning námskeiðs: Lótushús, Garðatorgi, miðbæ Garðabæjar.

Skráning

Hádegishugleiðsla

Opinn hugleiðslutími alla fimmtudaga kl. 12:10-12:40.

Skráning er óþörf og öll eru hjartanlega velkomin.

Staðsetning:  Lótushús Garðatorgi, miðbæ Garðabæjar.

 


 

Raja Yoga framhaldsnámskeið

Námskeiðið er í fjögur skipti á fimmtudögum kl.18:00-19:00; 5.3., 12.3., 19.3. og 26.3.

Raja Yoga er einföld en afar áhrifarík hugleiðsluaðferð sem allir geta lært að tileinka sér og getur Raja Yoga hugmyndafræðin gjörbreytt upplifun okkar á sjálfum okkur og lífinu til hins betra.

Á framhaldsnámskeiðinu í Raja Yoga verður fjallað um átta styrki sálarinnar og karmalögmálið auk þess sem undirstöðuatriði Raja Yoga hugleiðslunnar verða dýpkuð. Þátttakendur frá heimaverkefni eftir hvern tíma og lögð verður áhersla á sálarvitundariðkun í daglegu lífi.

Námskeiðið er opið öllum þeim sem hafa lokið grunnnámskeiðinu í Raja Yoga.
Staðsetning: Lótushús, Garðatorgi, miðbæ Garðabæjar

Skráning

Kyrrðarstund á netinu - leidd hugleiðsla og innblástur fyrir helgina

Lótushús og Spirit of Humanity Forum standa fyrir endurnærandi stundum í beinni útsendingu á Zoom á laugardagsmorgnum kl. 10:00-10:15. Þar hugleiðum við saman, njótum gefandi samveru í kyrrð og fáum stundum góða gesti til að deila frá hjartanu. Kyrrðartundirnar geta veitt kærkomið tækifæri til að stíga eitt augnablik úr erli og hraða hversdagsins og gefa kyrrðinni aukið rými í hug og hjarta.

Zoom hlekkur: https://zoom.us/j/3278159298
Fundareinkenni (Meeting ID): 327 815 9298
Lykilorð: omshanti

Tengjum inn á við og við hvert annað í kyrrð, vörpum ljósi á það einstaka og fallega í lífinu og njótum saman!
Skráning er óþörf og öll eru hjartanlega velkomin.

Listin að lifa - Samkennd og virðing

Námskeiðið er hluti af námskeiðaröðinni ,,Listin að lifa"
Leiðbeinandi: María Rögnvaldsdóttir
Staðsetning:  Lótushús, Garðatorgi, miðbæ Garðabæjar

Samkennd er ekki vorkunnsemi eða meðvirkni. Sönn og heilsteypt samkennd er fyllt af virðingu og skilningi.
Hún er bæði styðjandi og hvetjandi fyrir okkur sjálf og aðra.
 
Við skoðum þetta nánar og dýpkum skilning okkar á eigin getu og styrk. Hvað er það sem er í veginum og truflar mig á einhvern hátt.
Hugleiðum , hlustum, tölum saman og skrifum.
 
Öll eru hjartanlega velkomin.
 

Skráning

Mánudagshugleiðsla

Opinn hugleiðslutími alla mánudaga kl. 19:30-20:15.
Skráning er óþörf og öll eru hjartanlega velkomin.

Staðsetning:  Lótushús Garðatorgi, miðbæ Garðabæjar


 

Hádegishugleiðsla

Opinn hugleiðslutími alla fimmtudaga kl. 12:10-12:40.

Skráning er óþörf og öll eru hjartanlega velkomin.

Staðsetning:  Lótushús Garðatorgi, miðbæ Garðabæjar.

 


 

AKUREYRI - Raja Yoga-hugleiðsla Grunnnámskeið

Hugleiðsla hefur í gegnum aldirnar verið ein einfaldasta og áhrifaríkasta leiðin til að öðlast jákvæðara og kyrrara hugarástand. Raja Yoga hugleiðsla byggir á upplifun einstaklingsins á sínu innra sjálfi og hjálpar okkur m.a. að byggja upp sanna sjálfsvirðingu og virkja þá góðu eiginleika sem innra með okkur búa.

Námskeiðið er ætlað byrjendum jafnt sem lengra komnum og kenndar eru einfaldar hugleiðsluæfingar sem gagnast við að takast á við áskoranir daglegs lífs.

Það sem þátttakendur geta fengið út úr námskeiðinu:

🌟 Djúpstæð upplifun af innri friði.
🌟 Betri skilningur á eigin sjálfi.
🌟 Einfaldar hugleiðsluæfingar sem hjálpa við að gera hugleiðslu að reglubundinni iðkun (jafnvel fyrir þau sem hafa ekki mikinn tíma).
🌟 Einföld verkfæri til að takast á við hinar ýmsu áskoranir daglegs lífs.
🌟 Aðferðir sem geta hjálpað við að takast á við streitu og andlega þreytu og skapað innra jafnvægi og ró.
 

Námskeiðið verður haldið sunnudaginn 15. mars kl. 12:30-16:00.

Staðsetning: Félagsheimilið Kjarni, Kjarnaskógi, Akureyri (hús Náttúrulækningafélags Akureyrar)

.Skráning

Heilun innri sársauka

Leiðbeinandi: Elín Jakobsdóttir
Staðsetning:  Lótushús, Garðatorgi, miðbæ Garðabæjar
Námskeiðið er í tvö skipti, fimmtudaginn  19. mars og þriðjudaginn  24. mars kl. 19:30 til 21:00.

Flest okkar upplifa áföll eða erfiða reynslu einhvern tíma á lífsleiðinni, jafnvel í bernsku.  Við geymum innra með okkur minningar og tilfinningar frá þessum atvikum sem geta haft áhrif á líðan okkar í dag.

Stundum geta áhrifin orðið svo mikil að það raskar okkar andlegu líðan verulega í daglegu lífi, við gerum okkur ekki alltaf  grein fyrir hvað veldur vanlíðan okkar í dag. Í gegnum hugleiðslu munum við skoða þennan innri veruleika/minningar með það fyrir augum að leysa upp, heila og fyrirgefa.

Skráning

Svörin búa í þögninni

Leiðbeinendur: María Rögnvaldsdóttir og Elínbet Rögnvaldsdóttir.

Mikilvægustu uppgötvanir fólks eiga sér oft stað í þögn og einveru. Þegar við spyrjum okkur spurninga sem varða okkur sjálf og stefnu okkar í lífinu er dýrmætt að staldra við og hlusta inn á við því þar búa sönnustu svörin.

Á þessum sunnudags eftirmiðdegi gefst þátttakendum rými til að njóta þess að dvelja með sjálfum sér í sjálfskoðun. Leitt verður inn í spurningar sem þátttakendur geta kafað dýpra í og munum við nýta báða sali Lótushúss og ýmis hugleiðsluhorn fyrir vinnuna. 

Þagnarstundin er hugsuð fyrir þá sem hafa lokið grunnnámskeiðinu í Raja Yoga hugleiðslu.

Staðsetning námskeiðs: Lótushús, Garðatorgi, miðbæ Garðabæjar.

Skráning