Námskeið/skráning

Við leggjum okkur fram við að bjóða upp á fjölbreytta dagskrá og auk Raja Yoga hugleiðslunámskeiðisins eru í boði ýmis námskeið og fyrirlestrar sem fjalla um hugrækt og sjálfsstyrkingu.
Ekkert gjald er tekið fyrir námskeiðin og er kostnaði mætt með frjálsum framlögum þátttakenda.

Zoom leiðbeiningar

Hér eru leiðbeiningar til að tengjast við beinar útsendingar frá Lótushúsi: http://lotushus.is/zoom-leidbeiningar/
Athugið að á námskeiðum þar sem skráning er nauðsynleg fá þátttakendur senda aðra slóð en þá sem er í þessum leiðbeiningum.

Frjáls framlög

Starfsemi Lótushúss er rekin fyrir frjáls framlög og geta þátttakendur stutt starfið með því að setja sitt framlag í box í forstofunni eða leggja inn á eftirfarandi bankareikning:
Brahma Kumaris andleg fræðslumiðstöð
Kt: 460804-2720
Rnr: 0130-26-8882

Reglubundnir opnir hugleiðslutímar

Mánudagar kl. 19:30-20:15
Fimmtudagar kl. 12:10-12:40
Staðsetning: Lótushús Garðatorgi, miðbæ Garðabæjar

Við bjóðum upp á opna tíma með leiddum Raja Yoga hugleiðslum tvisvar í viku og ekki þarf að skrá sig fyrirfram. Í tímunum gefst tækifæri til að hugleiða með öðrum í friðsælu og styðjandi andrúmslofti Lótushúss og eru öll hjartanlega velkomin, byrjendur jafnt sem lengra komnir.

Kyrrðarstundir í beinni útsendingu á Zoom

Laugardagar kl. 9:30 – 9:45
Leiðbeiningar til að tengjast hér: http://lotushus.is/zoom-leidbeiningar/

Lótushús og Spirit of Humanity Forum standa fyrir endurnærandi stundum í beinni útsendingu á laugardagsmorgnum kl. 9:30-9:45. Þar hugleiðum við saman, njótum gefandi samveru í kyrrð og fáum stundum góða gesti til að deila frá hjartanu. Kyrrðartundirnar geta veitt kærkomið tækifæri til að stíga eitt augnablik úr erli og hraða hversdagsins og gefa kyrrðinni aukið rými í hug og hjarta. Öll eru hjartanlega velkomin.

Nethugleiðslur á ensku

Mánudagar kl. 17:00-17:30 og miðvikudagar kl. 19:00-19:15
Tímarnir fara fram í samstarfi við Brahma Kumaris í Noregi og eru hugleiðslurnar leiddar á ensku.

Zoom hlekkur til að tengjast:
https://us02web.zoom.us/j/2235441156?pwd=TmFyVTQzYVdUS1NHQ3REbThqTUhYdz09
Fundarauðkenni (Meeting ID): 223 544 1156
Lykilorð (Passcode): omshanti



Mánudagshugleiðsla

Opinn hugleiðslutími alla mánudaga kl. 19:30-20:15.
Skráning er óþörf og öll eru hjartanlega velkomin.

Staðsetning:  Lótushús Garðatorgi, miðbæ Garðabæjar


 

Raja Yoga-hugleiðsla Grunnnámskeið

Hugleiðsla hefur í gegnum aldirnar verið ein einfaldasta og áhrifaríkasta leiðin til að öðlast jákvæðara og kyrrara hugarástand. Raja Yoga hugleiðsla byggir á upplifun einstaklingsins á sínu innra sjálfi og hjálpar okkur m.a. að byggja upp sanna sjálfsvirðingu og virkja þá góðu eiginleika sem innra með okkur búa.

Námskeiðið er ætlað byrjendum jafnt sem lengra komnum og kenndar eru einfaldar hugleiðsluæfingar sem gagnast við að takast á við áskoranir daglegs lífs.

Námskeiðið er fjögur skipti á  þriðjudögum kl. 18:00-19:00; 10., 17., 24. sept. og 1. okt.

Staðsetning: Lótushús, Garðatorgi, miðbæ Garðabæjar

Skráning

Hádegishugleiðsla

 

Opinn hugleiðslutími alla fimmtudaga kl. 12:10-12:40.
Skráning er óþörf og öll eru hjartanlega velkomin.

Staðsetning:  Lótushús Garðatorgi, miðbæ Garðabæjar.
 

Kyrrðarstund á netinu - leidd hugleiðsla og innblástur fyrir helgina

Lótushús og Spirit of Humanity Forum standa fyrir endurnærandi stundum í beinni útsendingu á Zoom á laugardagsmorgnum kl. 09:30-09:45. Þar hugleiðum við saman, njótum gefandi samveru í kyrrð og fáum stundum góða gesti til að deila frá hjartanu. Kyrrðartundirnar geta veitt kærkomið tækifæri til að stíga eitt augnablik úr erli og hraða hversdagsins og gefa kyrrðinni aukið rými í hug og hjarta.
Zoom linkur: https://zoom.us/j/3278159298
Fundareinkenni (Meeting ID): 327 815 9298
Lykilorð: omshanti

Tengjum inn á við og við hvert annað í kyrrð, vörpum ljósi á það einstaka og fallega í lífinu og njótum saman!
 
Skráning er óþörf og öll eru hjartanlega velkomin.

Hádegishugleiðsla

 

Opinn hugleiðslutími alla fimmtudaga kl. 12:10-12:40.
Skráning er óþörf og öll eru hjartanlega velkomin.

Staðsetning:  Lótushús Garðatorgi, miðbæ Garðabæjar.
 

Listin að lifa: Missir

Námskeiðið er hluti af námskeiðaröðinni Listin að lifa og verður haldið laugardaginn 21. september kl. 11:00 til 12:30.
Leiðbeinandi: Elín Jakobsdóttir
Staðsetning: Lótushús, Garðatorgi, miðbæ Garðabæjar.

Allflest okkar standa frammi fyrir því á lífsleiðinni að missa náinn ástvin eða einhvern okkur kærkominn.
Á þessum tímamótum er eins og við þurfum að læra að lifa upp á nýtt á einhvern hátt, allt er breytt og alveg nýjar forsendur og áskoranir taka við í daglegu lífi á sama tíma og tilfinningar okkar eru viðkvæmar og hugurinn bundinn við liðna atburði.
Við munum skoða saman á þessu námskeiði hvernig við náum að vera raunsæ og lifa í styrk, hvernig við vinnum með þann sársauka sem situr í hjartanu.

Námskeiðið er öllum opið og fer skráning fram hér:

Skráning

EGO - Your good friend or greatest enemy?

Erindi: Antonella Ferrari, gestakennari frá Brahma Kumaris hugleiðsluskólanum í Ítalíu
Athugið að fyrirlesturinn fer fram á ensku.
Aðgangur ókeypis og öll velkomin á meðan húsrúm leyfir.
Staðsetning: Lótushús á Garðatorgi, miðbæ Garðabæjar

Hvað er EGÓ?   Er það hluti af mínu sanna sjálfi eða er það gríma sem ég hef komið mér upp í gegnum tíðina til að fela mig á bak við og forðast óþægindi?  Er það drifkraftur sem gagnast mér í daglegu lífi, eða dregur það mig frá sannri sjálfsvirðingu? Hvað býr á bak við egóið og hverjar eru birtingarmyndir þess?

Egó er flókið fyrirbæri sem á sér margar hliðar sem sumar hverjar liggja ekki í augum uppi því það getur verið bæði lævískt og lúmskt!
 
Í þessu erindi mun Antonella Ferrari fjalla um hinar ýmsu birtingarmyndir egósins, hvernig það blundar í okkur flestum, hvernig við getum komið auga á það og leiðir til umbreytingar.
 
Um fyrirlesarann: Antonella Ferrari kemur frá Ítalu og hefur leitt starf Brahma Kumaris hugleiðsluskólans á Ítalíu í fjölmörg ár en hún kynntist Raja Yoga hugleiðslu fyrst í Japan árið 1988. Hún er afar eftirsóttur kennari og þekkt fyrir skýra og skapandi nálgun á efninu. Sjálf býr hún yfir þeim einstöku eiginleiku að vera mikill eldhugi sem kemur stórum verkefnum í framkvæmd en samhliða því öflugur yogi sem geislar af friðsæld. Áður en Antonella helgaði líf sitt hugleiðslukennslu starfaði hún í tískubransanum á Ítaliu.