1. tími: Styrkurinn til að endurhlaða eigið sjálf
2. tími: Styrkur umburðarlyndis
Smellið hér fyrir upptöku úr tíma 2.
Tæknin var aðeins að stríða okkur í tímanum þannig að tónlistin var ekki að virka sem skyldi en við erum enn að læra á þessa fjartækni og biðjum ykkur að sýna því umburðarlyndi 🙂
3. tími: Styrkur dómgreindar
4. tími: Styrkur hreinna tilfinninga
Leiðtogi í eigin lífi
Smellið hér fyrir heimaverkefnið eftir tíma 1
Um námskeiðið
Námskeiðið „Leiðtogi í eigin lífi“ verður haldið í beinni útsendingu þriðjudagana 24. og 31. mars og 7. og 14. apríl kl. 19:30-20:30. Auk þess munum við birta upptökur úr tímunum hér á vef Lótushúss eftirá til að sem flestir geti tekið þátt.
Leiðbeinendur: Þórir Barðdal og Stefanía Ólafsdóttir
Andlegur styrkur er eitt af því mikilvægasta sem við getum tileinkað okkur í lífinu og birtist hann í ótal myndum. Andlega sterkur einstaklingur býr yfir staðfestu en jafnframt mýkt, hefur getu til að vera gefandi í öllum aðstæðum, bæði gagnvart sjálfum sér og öðrum, býr yfir umburðarlyndi og þrautseigju, hefur skýra dómgreind og er í góðum tengslum við innsæi sitt. Andlega sterkur einstaklingur er leiðtogi í eigin lífi og í stað þess að taka inn neikvæð umhverfisáhrif hefur hann jákvæð áhrif á eigið líf og samfélagið í kringum sig.
Á námskeiðinu verða teknir fyrir fjórir mismunandi styrkir mannssálarinnar í gegnum umfjöllun, hugleiðslu og ýmsar gagnlegar æfingar:
Styrkurinn til að endurhlaða eigið sjálf
Styrkur umburðarlyndis
Styrkur dómgreindar
Styrkur hreinna tilfinninga
Þátttakendur fá einnig æfingar til að iðka í daglegu lífi á milli tímanna og miða þær að því að byggja upp andlegan styrk til að geta tekist á við fjölbreyttar áskoranir lífsins.
Engin skráning er á námskeiðið og er öllum frjálst að taka þátt.
Hér eru leiðbeiningar til að tengjast inn á útsendinguna: http://lotushus.is/zoom-leidbeiningar/