Lótushús og Spirit of Humanity Forum standa fyrir endurnærandi stundum í beinni útsendingu á Zoom á laugardagsmorgnum kl. 09:30-09:45. Þar hugleiðum við saman, njótum gefandi samveru í kyrrð og fáum stundum góða gesti til að deila frá hjartanu. Kyrrðartundirnar geta veitt kærkomið tækifæri til að stíga eitt augnablik úr erli og hraða hversdagsins og gefa kyrrðinni aukið rými í hug og hjarta.
Zoom linkur: https://zoom.us/j/3278159298
Fundareinkenni (Meeting ID): 327 815 9298
Lykilorð: omshanti

Tíminn er hluti af námskeiðaröðinni Listin að lifa og fer fram sunnudaginn 27. okt. 2024 kl. 11:00-12:30.
Leiðbeinandi: Stefanía Ólafsdóttir
Staðsetning: Lótushús, Garðatorgi, miðbæ Garðabæjar

Einmanaleiki er tilfinning sem flest okkar þekkja vel af eigin raun en honum getur fylgt skömm, depurð og mikil vanlíðan. Einmanaleikinn gerir ekki aðeins vart við sig þegar við erum einsömul heldur getum við einnig upplifað okkur ein þrátt fyrir að vera umkringd fólki. Á námskeiðinu munum við skoða einmanaleikann frá ýmsum hliðum, rót hans og leiðir til að mynda og viðhalda heilbrigðum og gefandi tengslum við okkur sjálf, annað fólk og lífið sjálft.

Aðgangur er ókeyps og allir velkomnir en skráning er nauðsynleg og fer fram hér:

Skráning

Hugleiðsla hefur í gegnum aldirnar verið ein einfaldasta og áhrifaríkasta leiðin til að öðlast jákvæðara og kyrrara hugarástand. Raja Yoga hugleiðsla byggir á upplifun einstaklingsins á sínu innra sjálfi og hjálpar okkur m.a. að byggja upp sanna sjálfsvirðingu og virkja þá góðu eiginleika sem innra með okkur búa.

Námskeiðið er ætlað byrjendum jafnt sem lengra komnum og kenndar eru einfaldar hugleiðsluæfingar sem gagnast við að takast á við áskoranir daglegs lífs.

Námskeiðið er fjögur skipti á  fimmtudögum kl. 18:00-19:00;  7., 14., 21. og 28. nóvember.

Staðsetning: Lótushús, Garðatorgi, miðbæ Garðabæjar

Skráning